Trygdarnevndir í fólkaskúlanum lítið virknar

Trygdarnevndirnar í fólkaskúlanum eru ikki allar serliga virknar.

Skúlablaðið skrivar, at tøl frá Undirvísingarstýrinum vísa, at lítið og einki er goldið í fundarpengum til fólk í trygdarnevndnum. 

Í trygdarnevndnunum í skúlunum eru umboð fyri leiðslu og lærarar.

Trygdarnevndin eigur at leiða arbeiðið við arbeiðsumhvørvinum, millum annað sálarliga arbeiðsumhvørvinum.

- Vit vóna, at meira verður goldið í fundarpengum til limir í trygdarnevndunum í hesum árinum. Lærarafelagið fer at fylgja við, hvussu gongur við arbeiðsplássmetingum og vera við í ráðgevingini, segði Jacob Eli S. Olsen, formaður Lærarafelagsins, í røðu síni á aðalfundinum hjá Lærarafelagnum, skrivar Skúlablaðið.