Fríggjakvøld í Nólsoy og Mykinesi

Seinasta summarsendingin í sjónvarpinum kemur í kvøld. Evnið við kjakboriðið verður fosturtøka.

Finnur Koba og Eydna Skaale eru vertir í summarsins seinastu Fríggjakvøldssending í sjónvarpinum.

10.08.2012 - 12:51

Málingasirmið frá skipasmiðjuni Mest á Skála, mvg-eftirstøðunrar hjá feløgum, sum løgmaður átti í, og reportasjur frá fyrireikingunum til Ova-stevnuna og úr lundaparadísinum í Mykinesi eru evnini, sum verða viðgjørd í sendingini Fríggjakvøld í sjónvarpinum í kvøld.  Grannarnir hjá skipasmiðjuni á Skála hava í fleiri ár gjørt
vart við sína ónøgd við málingasirmið, sum stavar frá skipunum, ið verða
sproytmálað uttanfyri. 
Sendingin spyr stjóran í Mest, hví hann ikki hevur innilokað
dokkina. 
Fríggjakvøld  eisini fingið fatur á MVG- og skattaeftirstøðunum hjá øllum konkursraktu
feløgunum, sum Kaj Leo Holm Johannesen varðaði
av. Nólsoy og Mykines 
 
Jan
Lamhauge er farin
til Nólsoyar, har tey fyrireika seg til Ovastevnu. Hann fregnast millum annað
um, hvussu gongst við at savna pening til svimjihylin, og hvussu trygdin er á
bryggjuni, tá túsundtals Ovastevnugestir gera inn- og útrás í
annaðkvøld. 
Myndamaðurin Jens Jákup Hansen hevur verið í Mykinesi og vitað, um nakað er komið undan lundanum í ár.
 Kjakast um fosturtøku 
 
Evnið
við kjakborðið er ætlanin hjá landsstýrismanninum í heilsumálum at seta eina
fosturtøkunevnd, sum allar kvinnur, ið vilja hava fosturtøku, við lóg skulu ráðføra
seg við. Kristianna Winther Poulsen, sum er ímóti
uppskotinum, og Mia av Kák Joensen, ið vil hava nevndina, kjakast um evnið.   Summarsins seinasta Fríggjakvøldssending byrjar klokkan
19.