Hjálp úr Danmark at skriva umsóknir um endurgjald

Eitt ferðalið verður sent úr Danmark til Grønlands í heyst at hjálpa kvinnum at skriva umsókn um endurgjald frá danska statinum fyri óviljað at hava fingið snyril og fyribyrgingarsproytuna Depo Provera.

Danski staturin skipar fyri.

Sambært danska kringvarpinum vera løgfrøðingur, sum eisini er sjúkrarøktarfrøðingur, grønlendskur sálarfrøðingur, tolkur og ein dómari, sum er farin frá við eftirløn, í ferðaliðnum.

Endurgjaldið er 300.000 kr. til hvørja kvinnu.

Danska stjórnin hevur upplýst, at okkurt um 4.500 kvinnur kunnu hava rætt til endurgjald.

Landslæknin í Grønlandi veit um 15 dømi um snyril uttan samtykki eftir 1992, tá Grønland yvirtók heilsuverkið.