Sjálvboðin úr øllum landinum leita eftir Rana

Sjálvboðin úr øllum landinum fara í morgin at leita eftir 20 ára gamla, Rana í Billustovu, ið hevur verið saknaður síðani ferðsluvanlukkuna í Oyndarfirði.

Undirtøkan hevur verið ovurhonds stór, sigur Jón Nolsøe Olsen -  ein av teimum, ið hava tikið stig til leitingina.

Tey, ið hava hug at hjálpa til við leitingini, kunnu fara inn á vangamyndina hjá Jón Nolsøe Olsen á Facebook. Har verður kunnað um leitingina.