Taka aftur ímóti ull í summar

Búnaðarstovan tekur aftur ímóti ull í summar, frá 9. juli til 22. august.

Ullin verður góðskumett og avroknað eftir góðsku. Hon skal vera turr, rein og nosslig og stungin í reinar posar.

Ullin verður skild í tveir góðskuflokkar, I. flokk og II. flokk.

Tøvd ull, hálsull o.tíl. verður avroknað í II. flokki. Somuleiðis verður ull við nakað av mosa og líknandi avroknað í II. flokki.

Fyri ull í I. flokki verða latnar 10 krónur fyri kilo, íroknað MVG.

Fyri ull í II. flokki verður latin hálv onnur króna fyri kilo, íroknað MVG.

Er veitarin ikki MVG-skrásettur, verður prísurin ávikavist átta krónur og ein króna og 20 fyri kilo.

Búnaðarstovan ger vart við, at orsakað av krøvum frá keyparum uttanlands, ber ikki til at taka ímóti ull longur enn til 22. august.