Onnur semingsroyndin miseydnaðist eisini

Heldur ikki hesa ferð eydnaðist Semingsstovninum at fáa Kommunala arbeiðsgevarafelagið og Heilsuhjálparafelagið at samráðast um nýggjan sáttmála.

Semingsroyndin byrjaði fyrrapartin í gjár, men so langt var millum partarnar, at Semingsstovnurin legði einki semingsuppskot fram.

Partarnir eru farnir hvør til sítt, og Semingsstovnurin ger ikki meira.

Fyri góðum tveimum vikum síðani havnaðu bæði KAF og Heilsuhjálparafelagið einum semingsuppskoti, og semingsroyndin í gjár bar heldur ikki á mál.

Hoyr samrøðu við Terja Sigurðsson, semingsmann:

Meiri verður at frætta í útvarpstíðindunum klokkan 9, tá vit eisini samrøðu við Mary Antonsdóttir, forkvinnu í Heilsuhjálparafelagnum.