Fleiri deildir flyta í H-bygningin eftir summarfrítíðina

Nú verða aftur nakrir partar av H-bygninginum í Landssjúkrahúsinum tiknir í nýtslu.

Goymslan flutti um vikuskiftið, og eftir summarfrítíðina flytur føðideildin og medisinska deild.

Tað hevur gingið seint at flyta í nýggja H-bygningin. Fyrstu sjúklingarnir fluttu inn fyri hálvum triðja ári síðani, og síðani eru bara nakrar fáar funktiónir fluttar inn aftrat. 

Steðgur hevur verið í flytingini, tí meiri peningur skuldi játtast, eykaarbeiði gerast og lekar tettast.

Per Busk

So seint sum 3. mars, mitt í valstríðnum, kom løgtingið saman at játta 32,8 milliónir krónur aftrattil H-bygningin. Eitt samt løgting játtaði pengarnar.

Ein stórur partur av hesum pengunum skuldi nýtast til at tetta lekar, skifta hurðar og vindeygu, og at umvæla manglar í H-bygninginum.

Væntandi verður liðugt at flyta í H-bygningin í oktober. 

Hoyr innslag og samrøðu við Per Busk, virkandi stjóra á Landssjúkrahúsinum: