Fyrrv. landsstýrismaður: Hevði framvegis viljað havt umval

- Rætturin hevur einki sagt um, at valsvik ikki er farið fram í Oyndarfirði. Hevði eg verið landsstýrismaður í dag, hevði eg framvegis viljað havt, at umval hevði verið í Runavíkar kommunu.

Tað sigur Bjarni Kárason Petersen, fyrrverandi landsstýrismaður í lógarmálum, nú eisini landsrætturin hevur frídømt mannin, sum var ákærdur fyri valsvik í Oyndarfirði í sambandi við kommunuvalið í Runavíkar kommunu. 

 - Tað var eitt røtt avgerð tá at ógilda kommunuvalið, og hevði eg havt møguleikan, hevði eg gjørt tað eina ferð aftrat, sigur hann. 

Hoyr samrøðu við Bjarna Kárason Petersen í útvarpstíðindunum: 

Beinir Johannesen, løgmaður, umsitur nú lógarmál. Hann hevur onga viðmerking til málið. 

Sjálvt málið um umval í Runavíkar kommunu er framvegis í Føroya rætti.

Fimm býráðslimir, teirra millum borgarstjórin og varaborgarstjórin, stevndu Fíggjarmálaráðnum, sum tá umsat kommunumál. Býráðslimirnir vildu hava avgerðina hjá táverandi Løgmálaráðnum, um at ógilda kommunuvalið og lýsa umval, strikaða.

Í fyrsta umfari fingu teir fimm býráðslimirnir viðhald í, at umval skuldi ikki haldast, fyrr enn rætturin hevur tikið støðu til sjálva stevningina.