- Tíðindi, mentan og ítróttur
Norðurlendingur royna semju í Sýria
<p>Nógv bendir á, at ST-aðalskrivarin, Ban Ki-moon, leitar eftir einum norðurlendingi at vera friðarsemingsmaður í Sýria, siga ónevndar keldur við enska blaðið The Guardian, sambært tíðindastovuni hjá Berlingske.</p><div>Nevndir verða tveir fyrrverandi finskir forsetar, Tarja Halonen og Martti Ahtisaari. </div><div><br></div><div>Fyrrverandi ST-aðalskrivarin, Kofi Annan, boðaði herfyri frá, at hann gevst við semingsroyndunum.</div><div><br></div><div>Halonen gjørdist fyrsti kvinnuligi forseti i í Finnlandi í 2000, og hon var forseti í 12 ár. Ahtisaari var finskur forseti frá 1994 til 2000, og hann hevur í mong ár verið ST-diplomatur.</div><div><br></div><div>Ban Ki-moon hevur samráðingar við Arabisku Samgonguna um at tilnevna ein nýggjan friðarsemingsmann. Men sambært fleiri keldum ivast mong í, um ST eigur at tilnevna nýggjan semingsmann fyri Kofi Annan, tí borgarakríggið í Sýria herðist hvønn dag, og útlitini fyri friði eru ring. </div><div><br></div><div>Hildið verður, at borgarakríggið hevur kravt meiri en 20.000 mannalív, síðani uppreisturin byrjaði fyri hálvum øðrum ári síðani</div>
