Fjórðingsfinalur: Mbappé ímóti Hakimi í kvøld

Kylian Mbappé og Frakland ímóti Achraf Hakimi og Marokko.

Teir báðir fyrrverandi liðfelagarnir í PSG eru størstu stjørnurnar á hvør sínum liði, tá fyrsta HM-fjórðingsfinalan verður í Massachusetts í kvøld.

Teir spældu saman frá 2021, tá Hakimi kom til franska høvuðsstaðin, til Mbappé fór úr PSG til Real Madrid í 2024, og gjørdust góðir vinmenn. 

Hakimi hittir eisini fleiri núverandi liðfelagar í dystinum í kvøld. Lucas Hernandez, Warren Zaïre-Emery, Ousmane Dembélé, Bradley Barcola og Désiré Doué spæla allir í franska høvuðsstaðarfelagnum í løtuni.

20260704-212003-2-2098x1306ma.jpg

Frítekst tagging: 

Ítróttur

Fótbóltur

HM í fótbólti

HM 2026

HM í USA

Achraf Hakimi

Marokko

Sterkt samband

Yvirhøvur er sambandið millum londini bæði sterkt. Marokko hevur seks spælarar í hópinum, sum er føddir í Fraklandi, og norðurafrikanska landið hevur yvirhøvur lagt seg eftir at yvirtala spælarar, sum kunnu umboða bæði londini, at velja Marokko.

Seinasta dømi er 18 ára gamli Lille-miðvallarin Ayyoub Bouaddi, sum veruliga hevur gjørt vart við seg hetta endaspælið. Um tað verður nóg mikið til at syfta fronsku favorittarnar verður sjón fyri søgn í kvøld klokkan 21.00.

Kringvarpið samsendir fjórðingsfinaluna frá klokkan 20.50.

Yvirlit: HM-fjórðingsfinalurnar

Hósdag 9. juli kl. 21.00: Frakland - Marokko
Fríggjadag 10. juli kl. 20: Spania - Beliga
Leygardag 11. juli kl. 22: Norra - England
Sunnunátt 12. juli kl. 02: Argentina - Sveis