The Rolling Stones rokka enn hart

The Rolling Stones rokka enn hart
"Foreign Tongues" eitur nýggja plátan hjá legendariska rokkbólkinum The Rolling Stones, sum kom út í dag. Plátan, ið er tann 25. í røðini, fær góð ummæli
Mick Jagger (82), Keith Richards (82) og Ron Wood (79) eru í dag nakrir gamlir gubbar, men teir rokka enn hart, sambært ummælunum av nýggju plátuni "Foreign Tongues"
Mynd: Ritzau / Scanpix  
 
10.07.2026 - 11:35

Hóast teir allir - altso teir, ið eru eftir á lívi og enn við í bólkinum - eru farnir um tey 80 ella væl ávegis, so rokkar The Rolling Stones enn hart. 

Tað er staðfest eftir, at bólkurin í dag útgav sína nýggju og 25. plátu, "Foreign Tongues". 

Teir tríggir, Mick Jagger (82), Keith Richards (82) og Ron Wood (79), rokk enn allir hart. 

Plátan er framleidd av Andrew Watt, sum eisini framleiddi ta undanfarnu Rolling Stones-plátuna, "Hackney Diamonds", ið kom út í 2025. 

Á nýggju plátuni fáa The Rolling Stones eisini hjálp frá eitt nú Robert Smith úr The Cure, Paul McCartney og Bruno Mars.

Eisini er ein sangur, har Charlie Watts, sáli, spælir trummur á. Talan er um sangin "Hit Me in the Head", ið varð upptikin í 2021, áðrenn Watts andaðist.

 

Góð ummæli

Ummælini eru eisini góð, og eitt nú fær plátan fulla úrtøku frá ummælarunum hjá ensku bløðunum The Times og The Telegraph. 

Eisini ummælarin hjá The Guardian, Dave Simpson, er jaligur. Hann lýsir "Foreign Tongues" sum eina plátu, ið ljóðar modernað og til tíðir politiska, har bólkur viðger heimin kring teir, og ta tíðina, ið teir enn hava eftir í henni. 

Dave Simpson rósar serliga sangunum "Mr Charm" og "Covered in You", ið finnast at Elon Musk. 

 

Annars er tað serliga fyrsta singla "In The Stars", ið hevur verið nógv at hoyrt. 

Sjónbandalagið, ið er er gjørt við hjálp av vitlíki, vísir eina munandi yngri útgávu av Jagger, Richards og Wood.

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Nýggjastu sendingar í SV
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442