Støðugt fleiri hava ikki bústaðartilknýti

Støðugt fleiri, sum búgva í Føroyum, hava ikki bústaðartilknýti her, vísa tøl hjá Hagstovuni.

Tey vóru 3.016 1. juni í ár. 1. juni í 2021 vóru tey 1756.

Talið er støðugt vaksið síðani.

93,7 prosent teirra, sum búðu her 1. juni, høvdu bústaðartilknýti.

Tað er minsta talið higartil.

Tey flestu, sum ikki hava bústaðartilknýti, eru úr Asia.

Føroyskt bústaðartilknýti hava tey, sum hava búð helvtina av lívinum, ella sjey av 10 samanhangandi árum í Føroyum eina ferð í lívinum.