Landsstýrismaðurin vil útvega fígging til tól til flogsáð-mátingar

– Tað er sjálvsagt, at okkara veðurstova hevur mátingartól, sum kunnu siga okkum her í Føroyum tey neyvu flogsáð-tølini, sigur Bárður á Steig Nielsen, landsstýrismaður, sum varðar av Veðurstovu Føroya.

Eftir at Regin W Dalsgaard, av sínum eintingum, hevði almannakunngjørt eina heimasíðu, sum kundi vísa metingar av pollen-tølum í luftini í Føroyum, spurdu vit Bárður A. Niclasen, deildarleiðara á Veðurstovu Føroya, um Veðurstovan kundi átaka sær at gera hesar kanningar.

Hann segði við Útvarpið um vikuskiftið, at tað ber væl til, men at serlig mátingartól krevjast, men slík tól hevur Veðurstovan ikki í løtuni.

Landsstýrismaðurin lovar, at hann er sinnaður at útvega Veðurstovuni neyðugu fíggingina, so neyvar flogsáð-mátingar kunnu gerast í Føroyum.

Hoyr innslag í tíðindunum á nátturða her: