Eiga at asfaltera 30 kilometrar um árið

30 kilometrar av landsvegi eiga at verða asfalteraðir um árið.

Men síðani 2023 eru 30,5 kilometrar asfalteraðir.

Talið 30 um árið kemur soleiðis, at landsvegirnir eru 480 kilometrar.

Teir eiga at verða asfalteraðir 15. hvørt ár. 

Tað sigur Jacob Vestergaard, landsstýrismaður, í svari til Eirik í Jákupsstovu, løgtingsmann.

Hann spurdi um ymiskar vegarteinar og asfaltering. 

Landsstýrismaðurin sigur, at í miðal kostar tað tvær milliónir krónur at asfaltera ein kilometur.

Játtanin, sum nú er, 12 mió.kr., røkkur tí til seks kilometrar, og ikki til 30 kilometrar.