Útlendingur ákærdur fyri stuldur í handlum

Ein útlendingur, sum hevur verið í varðhaldi í tíggju dagar, skal i Føroya rætt í dag.

Hann er ákærdur fyri stuldur.

Sambært ákæruni hevur hann stolið í nøkrum handlum í Havn og í Runavík.

Hann skal hava stolið fyri 60.000 krónur, sigur ákæruvaldið.

Játtar seg sekan

Tað mesta er klæði, men eisini er nakað av elektronikki.

Maðurin játtar seg sekan.

Hann kom til Føroya at arbeiða, og hevur verið her síðani í juli.

Ákæruvaldið fer at krevja, at maðurin verður útvístur.