Føroyameistararnir í sandflogbólti verða funnir Fuglafirði

Fyrstu føroyameistararnir í sandflogbólti vera funnir í Fuglafirði um vikuskiftið, har sjeynda og avgerðandi kappingin verður spæld á innanduravøllinum í Koskinum.

Summarkappingin byrjaði í juni í Fuglafirði, og síðan hava fimm FM-stevnur verið í Sandavági, Havn og á Sandi. 

SÍ EISINI: Kappast nú um FM í sandflogbólti

Hjá kvinnum liggja trý lið væl fyri, áðrenn avgerandi kappingina. Bylgja Holm og Julie Madsen, Jakobina Joensen og Milja Silvansdóttir og Anna Katrina í Haraldstovu liggja best fyri.

Hjá monnum hava fýra lið skiftst um oddasessin. Kaj Johannesen og Elias B. Jensen eru á odda frammanfyri Jónstein Jacobsen og Sofus B. Mortensen, Jens Heri Bolstad Mortensen og Tórður Højsted og Bjarna Larsen og Oleksandr Dmytriiev, skrivar Flogbóltssamband Føroya.

Kappingin ímillum fremstu fýra liðini verður nú fríggjadagin og heldur fram leygardagin. Finalurnar hjá bæði kvinnum og monnum verða leygardagin seinnapartin.