Kappast nú um FM í sandflogbólti

Síðsta vikuskiftið var fyrsta av sjey kappingum í FM-stevnurøðini hjá Flogbóltssambandi Føroya.

Sersambandið fór av álvara undir sandflogbólt í landsliðshøpi fyri tveimum árum síðan, og í summar ber til hjá liðum at kappast um føroyameistaraheitið í segreinini.

Stevnurnar vera eftir ætlan í Fuglafirði, Sandavági, Havn og á Sandi. Eftir ætlar verður spælt úti, men í Fuglafirði ber til at kappast undir taki, um tað ikki viðrar.

 - Vit byrjaðu at satsa upp á sandflogbólt fyri tveimum árum síðan við landsliðum, sum hava verið til EM og til undankappingar, og hetta er ein liður í tí - at byggja víðari upp á tað. At gera eina væl skipaða landskapping eftir sama leisti, sum tú gert í hinum Norðurlondunum, segði formaðurin í Flogbóltssambandi Føroya, Peter Holm.

Tveir spælarar eru á hvørjum liði, sum savnar sær stig ígjøgnum stevnurnar. Fýra tey bestu hjá monnum og fýra tey bestu hjá kvinnum spæla seg í sonevnt Final Four-umfar, sum verður fyrst í september.

Har verða hálvfinalur og finalur spældar.