Fleiri "milliónaarvingar" í Lamba

Fleiri "milliónaarvingar" í Lamba
Ein amerikanskur sakførari leitar eftir rætta arvinginum, sum skal fáa eina stóra milliónaupphædd. Men tað vísir seg, at fleiri í bygdini hava fingið sama bræv
04.09.2026 - 19:36

Tað vóru forkunnug boð, sum fleiri fólk í Lamba fingu í postkassan í vikuni.

Í brævinum sigur ein maður, sum gevur seg út fyri at vera amerikanskur sakførari, at hann í seks ár hevur leitað eftir arvingum eftir einum klienti, sum doyði í 2020.

Arvurin ljóðar upp á 8,5 milliónir evrur.

Sonja Einarsson er ein teirra, sum hevur fingið brævið, og sambært avsendaranum, so kann hon koma upp á tal sum arvingur, tí hon hevur sama eftirnavn sum tann deyði.

Fleiri fingið somu boðini
Men Sonja Einarsson er langt frá einsamøll.

Fleiri onnur húski í Lamba hava fingið líknandi brøv, og í einum Facebook-tráði siga fleiri frá, at eisini tey hava fingið somu boð um milliónaarv. Í hvørjum føri er navnið hjá tí deyða broytt, so eftirnavnið samsvarar við eftirnavnið hjá móttakaranum.

Brævið hevur fleiri eyðkenni, sum benda á eina svikroynd. Avsendarin sigur seg vera sakførara í USA, men brøvini eru send úr Spania. Endamálið er at fáa móttakaran at taka samband við avsendaran gjøgnum ein teldupost, og síðani lata persónligar upplýsingar frá sær.

 

 

 
Er kopiera
Nýggjastu sendingar í ÚV
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Sunnudag 15. november
Filosofiskur 8.partur
216351
Leygardag 14. november
TEMAPLÁTAN 40: 'Fahrenheit', Toto, 1986
215932
Nýggjastu sendingar í SV
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214
Sunnudag 15. november
Talvið um Tinganes (2:2) - teknmálstulkað
216435