- Tíðindi, mentan og ítróttur
Ongin norðurlendskur laksur í London
<p>Stórar altjóða ítróttarstevnur verða vanliga brúktar av vinnulívinum at vísa fram hvat tey framleiða. Ali- og fiskivinnan, serliga í Noregi, plagar at vera hjástødd tá OL og heimsmeistarakappingar eru.</p><div><br></div><div>Men í London er onki at síggja av hvørki villum fiski ella alifiski úr øðrum londum. Bretar hava tryggja sær at teirra egni ídnaður sleppur fyrst framat. Hjá teimum stóru norsku alifyritøkunum Lerøy Seafood, Marine Harvest og Cermaq er svarið greitt tá vit spyrja. Ongin av teimum hevur nakað átak undir OL í London. Sama er svarið frá Norges Sjømatråd, ið er almenni stovnurin sum skal fáa norðmenn og útlendingar at eta meir fisk.</div><div><br></div><div>Heldur ikki føroysku alararnir hava brúkt orku uppá at sleppa framat undir olympisku leikunum. Regin Jacobsen, stjóri á Bakkafrost, er púra greiður. Tey hava ikki hugsa um at vera til staðar í London. Fyritøkan er eisini farin at stuðla A-landsliðnum í fótbólti, og hevur valt at brúka orkuna til tað. Atli Gregersen, stjóri í Luna, sigur at tey heldur ikki brúka orku uppá OL, tó so at laksur frá Luna verður bjóðaður fram undir onkrum tiltakið sum bretski innflytarin av Luna-laksi stendur fyri.</div>
