Frítekst tagging:
- Tíðindi, mentan og ítróttur
Viðmerkjarar: Sparingar verða ikki framdar, tá trýst kemur
Viðmerkjarar: Sparingar verða ikki framdar, tá trýst kemur
Árni Gregersen og Bjørt Samuelsen vóru Breddanum fyrrapartin
Fíggjarlógin fyri næsta ár er til viðgerðar í tinginum.
08.10.2026 - 12:32
Landsstýrið leggur sparingar fram í fíggjarlógaruppskotinum fyri næsta ár, men hevur hug at vikast, tá politisk mótstøða og trýst kemur haðani, sparingarnar raka.
Tað er ein av niðurstøðunum hjá politisku viðmerkjarunum, Árna Gregersen og Bjørt Samuelsen, sum í Breddanum fyrrapartin viðgjørdu fíggjarlógaruppskotið fyri næsta ár.
Bjørt Samuelsen. (Mynd: Bjarni Árting Rubeksen)
Árni Gregersen. (Mynd: Bjarni Árting Rubeksen)
Sendistovan í Tel Aviv skuldi lata aftur, men verður kortini varðveitt.
Kommunurnar mótmæla ætlanini um at strika havnargjøldini hjá Strandferðsluni, og landsstýriskvinnan í heilsumálum hevur latið upp fyri at játta pengar aftur til serlæknapuljuna.
Sambært politisku viðmerkjarunum kann hetta gerast ein trupulleiki hjá samgonguni, sum hevur lagt fram eina fíggjarlóg við einum sera avmarkaðum avlopi upp á 13,5 milliónir krónur.
Hoyr innslag í útvarpstíðindunum:
08102026_Arni_og_Bjort
Fíggjarlógin er til viðgerðar í løgtinginum í dag, og verður eftir tað beind í fíggjarnevndina.
Allur Breddin kann hoyrast her
Er kopiera
Nýggjastu sendingar í ÚV
Nýggjastu sendingar í SV
