Vitlíkismyndir av kynsligum ágangi móti børnum eru eisini ólógligar

Myndir av kynsligum ágangi móti børnum eru ólógligar - eisini tá tær eru gjørdar við vitlíki.

Tað hevur Hægstirættur staðfest í einum dómi í dag, skrivar DR.

Málið snýr seg um ein 31 ára gamlan mann úr Randers, sum við vitlíki hevur gjørt meira enn 36.000 myndir av kynsligum ágangi móti børnum, og breitt tær út á netinum.

Málið hevur vakt ans, tí tað hevur verið umrøtt sum eitt av teimum fyrstu um tilfar av kynsligum ágangi, sum er gjørt við hjálp av vitlíki.

Eingin munur

Maðurin hevur ført fram, at hann ikki hevur brotið revsilógina, tí børnini á myndunum ikki eru verulig.

Men tað ger ongan mun, staðfestir Hægstirættur.

Tað skal nevniliga ikki hava ávirkan á revsingina, um børnini á myndunum eru verulig, ella gjørd av vitlíki.

Hægstirættur hevur tí staðfest dómin hjá landsrættinum, sum gav manninum hálvtannað ára treytaleysa fongsulsrevsing