- Heilsuverkið rúmar ikki øllum

- Heilsuverkið rúmar ikki øllum
- Vit hava trupult við at fáa fólk inn á psykiatrisku deild, sigur leiðarin á Herberginum, sum hartar eitt heilsuverk, ið ikki megnar at hjálpa misbrúkarum
16.10.2026 - 19:44

- Tað er øgiliga trupult at fáa fólk inn til eina virðiliga avrúsing inni á psykiatriskari deild. 

Tað sigur Martin Kúrberg, leiðari á Herberginum, eftir Leivur Halldórsson í sendingini, Leivur vil liva, støðugt endar í bíðistøðu, tá hann biðjur um hjálp. 

- Um tað er pláss fyri einum sum Leivi á psykiatrisku deild, tað loyvi eg mær at ivast í, leggur hann aftrat. 

Hann vísir samstundis á, at hetta ikki er eitt eindømi, men ein afturvendandi trupulleiki. Tí hartar hann eitt heilsuverk, sum ikki í nóg stóran mun megnar at hjálpa misnýtarum. 

Í sendingini síggja vit, at Leivur tvær ferðir fer inn á Psykiatriska depilin, har hann eftir ætlan skal avrúsast, men tað miseydnast. 

Martin Kúrberg heldur, at skipanin er brotin - og at misnýtarar skulu fáa sjálvstøðugt avrúsingartilboð. 

Farið var afturum sendingina 'Leivur vil liva' í Breddanum í dag. Tann parturin kann hoyrast her: Rúsevnismisnýtsla og fiskavirkisskipanin. 

 

Tórmóður Stórá, leiðandi yvirlækni á Psykiatriska deplinum, var gestur í sjónvarpsstovuni. 

 
Er kopiera
Nýggjastu sendingar í ÚV
Sunnudag 22. november
Bolero 22. november 2026
216781
Sunnudag 22. november
Guðstænasta út Gøtu kirkju
216780
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Nýggjastu sendingar í SV
Sunnudag 22. november
Andaktin
216792
Sunnudag 22. november
Guðstænasta úr Gøtu kirkju
216793
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688