Theresa og Uni nýggir føroyameistarar

Theresa Enghamar og Uni Árting vunnu føroyameistaraheitið í darti í Klaksvík um vikuskiftið.

Theresa Enghamar var styrkismett næstfremst, men megnaði eitt betri, tá hon vann á Beintu Joensen í finaluni á Hotell KG í Klaksvík.

Hjá monnum fullu landsliðsspælarar upp á strípu tíðliga í kappingini. Jan McIntosh, Petur Thomsen og Jan Erik Fjallstein skuffaðu allir, og so tók Uni Árting av í staðin.

Spælarin úr Havnar Dartfelag vann á Marjus Hansen úr D9 av Skála.