Leita framvegis eftir nýggjum kanningarstjóra

<p>Løgtingsformaðurin leitar enn eftir kanningarstjóra at kanna lutin hjá Kára P. Højgaard, sum tá var landsstýrismaður í innlendismálum, í málinum um Skálafjarðartunnilin.</p>

<p><strong>SÍ EISINI <a href="http://kvf.fo/netvarp/uv/2013/11/19/annfinn-goar-frleikar-vera-kanningar...ðurin: Annfinn góðar førleikar av vera kanningarstjóri</a></strong></p>

<p>Ein nýggjur kanningarstjóri skal nú setast at greina málið. Tað verður fyrsta dagin, at onkur verður biðin, sigur Jógvan á Lakjuni, løgtingsformaður.</p>

<p>Annfinn V. Hansen, advokatur, varð tann 19.november í fjør biðin um at vera kanningarstjóri at kanna málið um Skálafjarðartunnilin til botns.</p>

<p><strong>Ivi varð sáddur um gegni hjá Annfinn V. Hansen</strong></p>

<p>Ivi um gegni hjá Annfinn V. Hansen gjørdi tó, at hann bert fekk slakar fýra vikur sum kanningarstjóri og tískil&nbsp;gavst tann 10. januar.</p>

<p><strong>SÍ EISINI <a href="http://kvf.fo/netvarp/uv/2014/01/11/vitalis-hansen-eg-eri-gegnigur">Vitalis Hansen: - Eg eri gegnigur</a></strong></p>

<p>Sjálvur heldur Annfinn V. Hansen, at hansara gegni var í lagi. Løgtingsskrivstovan hevur tó ikki tikið støðu til gegnisspurningin.</p>

<p>Løgtingsskrivstovan tekur ikki støðu fyrr enn, ella um, Annfinn V. Hansen sendir teimum rokning fyri tað arbeiðið, hann gjørdi, meðan hann var kanningarstjóri.</p>

<p><strong>Rokning ikki komin frá Annfinn V. Hansen</strong></p>

<p>Súsanna Danielsen, løgtingsstjóri, sigur í dag, at enn er eingin rokning komin frá Annfinn V. Hansen fyri arbeiðið, hann náddi at gera sum kanningarstjóri.</p>

<p>Landsstýrismálanevndin hjá løgtinginum heitti 8. november 2013 á løgtingsformannin um at seta ein kanningarstjóra at kanna og gera eina frágreiðing til løgtingið.</p>

<p><strong>SÍ EISINI <a href="http://kvf.fo/netvarp/uv/2014/01/14/gegningur-advokatur-skal-ikki-hava-s...Ógegnigur advokatur skal ikki hava samsýning</a></strong></p>

<p>Frágreiðingin skuldi fáa greiðu á, um Kári P. Højgaard og Kaj Leo Holm Johannesen, løgmaður, hava fyrisitið málið um Skálafjarðartunnilin á lógligan hátt.</p>

<p>Landsstýrismálanevndin bað um at fáa kannað sjey viðurskifti, fimm teirra eru um Kára P. Højgaard, og hini bæði um løgmann.</p>