The New York Times viðmælir Føroyar sum ferðamál

<p>Vatikanið í Italia, Seyskelloyggjarnar í Afrika, Aspen í Kolorado, Arktis á Norðurpólinum, Nepal í Asia, Niagara Falls á markinum millum USA og Kanada...og Føroyar.</p>

<p>163 ára gamla amerikanska blaðið, The New York Times, hevur gjørt ein lista við 53&nbsp;støðum, sum blaðið viðmælir lesarum sínum at vitja í 2014.</p>

<p>Millum støðini, blaðið viðmælir lesarum sínum at vitja í ár, í greinini <a href="http://www.nytimes.com/interactive/2014/01/10/travel/2014-places-to-go.h... target="_blank">52 Places to Go in 2014</a>, telist Føroyar. Tað eru lesarar&nbsp;hjá blaðnum, ið hava kosið Føroyar.</p>

<p><strong>Nógvir lesarar síggja greinina</strong></p>

<p>Netmiðilin hjá The New York Times telist millum teir allarmest lisnu amerikansku netmiðlarnar sambært hagtølum, ið vórðu savnað&nbsp;saman í 2011.</p>

<p>Sambært teimum nýggjastu almannakunngjørdu tølunum fyri netmiðilin, vitja umleið 30 milliónir brúkarar hvønn mánað heimasíðuna hjá The New York Times, <a href="http://www.nytimes.com/" target="_blank">nytimes.com</a></p>

<p>Flestu vitjandi á netmiðlinum eru amerikanarar, meðan heimasíðan eisini hevur nógv vitjandi í India, Kanada, Stóra Bretlandi, Meksiko, Týsklandi og Japan.</p>

<p><strong>Greinin eisini í prentaða blaðnum</strong></p>

<p>Tað er ikki bert á netinum, at The New York Times viðmælir Føroyar sum eitt av forkunnugum støðum at vitja í 2014, tí viðmæli kemur eisini í prentaða blaðið.</p>

<p>Í ferðaílegginum í pappírsútgávuni, sum kemur út nú sunnudagin 2. februar, er eisini ein prentað útgáva&nbsp;av viðmælinum av&nbsp;teimum 53&nbsp;støðunum kring knøttin.</p>

<p>Tað er føroyski myndamaðurin, <a href="https://www.facebook.com/hansjuulhansen" target="_blank">Hans Juul Hansen</a>, ið hevur tikið myndina av Gásadali, sum prýðir viðmælið av Føroyum sum ferðamál í 2014.</p>