- Tíðindi, mentan og ítróttur
Stórur skógareldur í Kroatia
<div>Ein sløkkiliðsmaður er deyður og umleið 1500 ferðafólk eru flutt burtur úr økinum. Nógvi vindurin ger, at eldurin breiðir seg við nógvari ferð.</div><div><br></div><div>- Vit gera alt, vit eru ment fyri at bjarga mannalívum og avmarka skaðarnar, sigur kroatiski innanríkisráðharrin.</div><div><br></div><div>Eingin streymur og einki telefonsamband er til frítíðarøkið Selce nærhendis havnabýin Rijeka, haðani 1500 ferðafólk, tey flestu frá Slovenia og Eysturríki, eru flutt burtur.</div><div><br></div><div><b>Eisini trupulleikar í Makedonia</b></div><div><br></div><div>Í grannalandinum Makedonia eru eisini trupulleikar við skógareldi. Har er illgruni um, at eldurin er ásettur, skrivar Danmarks Radio.</div><div><br></div><div>Í Spania stríðast tey eisini við ógvusliga skógareldin í norðara parti av landinum. Eldurin hevur higartil kostað 4 mannalív, og 23 hava fingið skaða, harav eru átta sløkkiliðsmenn.</div><div><br></div><div>Bæði spanskir og franskir sløkkiliðsmenn arbeiða við at basa eldinum. Teir fáa hjálp frá flogførum og tyrlum, ið tveita vatn yvir logarnar.</div><div><br></div><div><b>Onki tamarhald á eldinum enn</b></div><div><br></div><div>Tey hava enn ikki fingið tamarhald á eldinum, men katalonski innanríkisráðharrin hevur vónir um at fáa tamarhald á eldinum, tí veðurmenhninir lova kaldari veður og minni vind í økinum.</div><div><br></div><div>Skógareldurin byrjaði sunnudagin nærhendis býin La Jonquera og spjaddist skjótt í økinum nærhendis markið til Fraklands. Í gjár hevði eldurin oyðilagt 13.000 hektarar av jørð, og í Barcelona, ið liggur 150 kilometrar burturi, merkja tey nú roykin frá skógareldinum.</div><div><br></div>
