- Tíðindi, mentan og ítróttur
Irak latið marknaliðini upp móti Sýrialandi
<div>Forsetisráðharrin í Irak, Nuri al-Maliki, hevur givið irakiskum trygdardeildum og hjálparfelagskapum boð um at lata flóttafólk úr Sýria sleppa inn í Irak og veita teimum humanitera hjálp. Fyri fáum døgum síðani boðaði irakiska stjórnin annars frá, at bara irakar sluppu inn í landið úr Sýria.</div><div><br></div><div><b>Tíggjutúsundtals fólk flýggja</b></div><div><br></div><div>Tígggju túsundtals sýrar eru seinastu dagarnar flýddir undan ófriðinum í Sýria. Serliga nógv fólk eru flýdd úr høvuðsstaðnum Damaskus, har trygdardeildir hava rannsakað hús og handlar og pínt húsfólk og handilseigarar. Nógvir menn í besta aldri eru eisini dripnir. Tað siga mannarættindaeygleiðarar, sum savna inn upplýsingar frá eygnavitnum. </div><div><br></div><div><b>Tikið ræðið aftur í Razi</b></div><div><br></div><div>Almenna sýriska tíðindastovan Sana veit at siga, at sýriski herurin hevur endurskapað trygdina í býarpartinum Razi, har herurin hevur avbyrgt og dripið fleiri yvirgangsfólk, sum uppreistrarfólkið verður rópt.</div><div><br></div><div>Sýriska stýrið brúkar støðugt heitið "yvirgangsfólk" um vápnadu mótstøðufólkini</div><div><br></div><div>Hermenn hjá stjórnini hava eisini handtikið fleiri yvirgangsfólk, sum fjaldu seg í kloakskipanini í býnum, veit tíðindastovan Sana at siga.</div>
