Eingi tekin um oljuflutning í Hormuzsundinum

- Í løtuni eru eingi tekin um, at meira ráolja fer úr Hormuzsundinum, meðan vápnahvíld er.

Tað sigur Tom Kloza, sum er høvuðsorkuráðgevi hjá amerikanska oljufelagnum Gulf Oil, við CNN.

- Tað er einki, sum bendir á, at sundið letur upp aftur, og hetta tykis vera ein skroypilig vápnahvíld, sigur Tom Kloza.

- Nógv bendir á, at tað fara at ganga vikur, áðrenn vit síggja eini 50 ella 70 prosent av vanligu ferðsluni í Hormuzsundinum, sum vit eru bundin av.

Hann sigur, at bert ein lítil nøgd av olju fer úr økinum í løtuni.