Trend: Grønlendarar leggja myndir av sær sjálvum út hálvnaknum

Ein nýggj trend hevur stungið seg upp millum grønlendarar á Facebook. Ungir grønlendarar leggja myndir av sær sjálvum hálvnaknum út á tvær Facebooksíður. Niviaaluit er síðan fyri gentur, og Nukappissat er síðan fyri dreingir – heitini merkja ávíkavist ungar gentur og ungir dreingir.

Hetta hevur skapt mikla ørkymling í Grønlandi, og grønlendska javnstøðunevndin er stúrin um ungu grønlendararnar, ið kunnu dálka sær sína framtíð. Eisini harmast tey um, at fleiri av myndunum eru av børnum undir 18 ár og ráða tí ungum at halda sær frá síðuni, skrivar grønlendski portalurin Sermitsiaq.aq.

Har eru fleiri, sum hava lagt myndir út uttan at fjala teirra andlit og eru tískil løtt at kenna aftur. Onnur hava slørað ella fjalt andlitið fyri ikki at útstilla seg sjálvan í størri mun.

Fleiri av viðmerkjarunum á Sermitsiaq siga, at tey vilja hava síðuna slettaða og mæla øðrum til at melda síðuna. 

Hvat heldur tú um grønlensku “trendina”?