B68 styrkir seg við landsliðsmálverja

Kristian Joensen, sum fleiri ferðir hevur verið partur av landsliðshópinum, hevur skrivað sáttmála við B68.

Talan er um, at B68 leigar málverjan, sum hevur sáttmála við NSÍ.

NSÍ skrivaði fyrr í ár sáttmála við Andras Gángó, og felagið hevur helst ikki sæð tað neyðugt, at hava tveir royndar málmenn í hópinum.

Kristian Joensen hevur eisini alment sagt, at hann ynskir at royna seg í útlendskum fótbólti, tá hann fær møguleikan.

Kristian Joensen hevur spælt átta U-21 landsdystir, og hevur fleiri ferðir verið úttikin til A-landsliðshópin eisini.

Fyribils skifta ikki fleiri leikarar felag, tí flytingarvindeyga lat aftur á miðnátt.