- Tíðindi, mentan og ítróttur
Journalistar hjá NRK hildnir aftur á Krim
Journalistar hjá NRK hildnir aftur á Krim
Vápnaðir menn á markinum millum Krim-hálvoynna og Ukraina handtóku seinnapartin í dag tríggjar journalistar hjá NRK.
Tríggir journalistar hjá NRK vórðu í dag hildnir aftur á markinum millum Krim-hálvoynna og Ukraina.
11.03.2014 - 16:29
Teir tríggir eru kortini latnir leysir aftur.
Journalistarnir upplýsa fyri NRK, at vápnaðu menninir vóru í svørtum gekkaskortum, og journalistarnir kendu seg hóttar.
Einir 20 til 30 menn steðgaðu journalistunum, men einir 200 vápnaðir menn vóru í økinum, har teir tríggir vórðu handtiknir.
Alvápnaðu menninir tóku teldur, videobond og verjuútgerð frá øllum trimum. Boðini vóru púra greið um, at journalistarnir fingu onki aftur.
Hendingin fór fram, tá teir skuldu av Krim-hálvoynni í bili seinnapartin í dag.
Myndugleikarnir hava stongt fyri allari loftferðslu, sum ikki er beinleiðis millum Krim-hálvoynna og Moskva. Tí valdu teir tríggir journalistarnir at fara av Krim-hálvoynni í bili.
Kelda: NRK
Er kopiera
Nýggjastu sendingar í ÚV
Nýggjastu sendingar í SV
