Varðin hevði 114 mió. kr. í avlopi

Samtakið átti umleið 300 mió. kr. í tøkum peningi við árslok í fjør

Tað gongur væl hjá samtakinum Varðanum í Gøtu. Felagið eigur m.a. nótaskipið Jupiter.

05.07.2012 - 11:04

<div>Samtakið Varðin í Gøtu, sum m.a. eigur fleiri uppsjóvarskip, hevði 114 mió. kr. í avlopi eftir skatt í fjør.</div><div><br></div><div>Norðlýsið skrivar, at nettosølan hjá samtakinum er hækkað úr góðum 200 milliónum í 2009 upp í 423 milliónir krónur í 2011. </div><div><br></div><div>Tvey tey seinastu árini hevur samtakið P/F Varðin rindað góðar 230 mió. kr. í lønum og góðar 50 mió. kr. í partafelagsskatti. </div><div><br></div><div>P/F Varðin eigur allan partapeningin í P/F Hvamm, P/F Krossbrekku, Driftini P/F og spf. Gulenni, ið eiga nótaskipini Trónd í Gøtu, Finn Fríða,  Jupiter og Saksaberg.</div><div><br></div><div><b>Eiga 45% í Faroe Origin</b></div><div><br></div><div>Í fjør var Varðin við til at stovna P.f. Faroe Origin . Eigaraparturin er 45%. Hetta felag hevur keypt  fýra trolarar og flakavirki burtur úr trotabúnum Faroe Seafood. Í 2011 hevur felagið eisini stovnað spf. 17. Mai 2011, sum eigur trolaran Heyk. </div><div><br></div><div>Sambært roknskapinum var skuldin í Varðanum tilsamans 376 mió. kr. Felagið hevði 282 mió. kr. í tøkum peningi við árslok í fjør.</div><div><br></div><div>Sambært roknskapinum er ognin bókað til eitt virði, sum er 548 mió. kr., skrivar Norðlýsið.</div><div><br></div><div>Um dagarnar læt nýggja uppsjóvarvirkið Varðin Pelagic upp á Tvøroyri. Tað felagið varð stovnað fyrst í hesum árinum.</div><div><br></div><div><br></div><div><br></div>