Strangari krøv til nevndarlimir í bankum

Nú verður kravt, at minst ein nevndarlimur skal hava leiðararoyndir frá einum øðrum viðkomandi fíggjarstovni

Danska fíggjareftirlitið herðir krøvini til nevndarlimir í fíggjarstovnum í danska ríkinum.

05.07.2012 - 10:34

<div>Fíggjarstovnar í danska ríkinum hava fingið freist til 1.november at sannføra Fíggjareftirlitið um, at teir lúka nýggju krøvini um vitan og royndir hjá nevndarlimunum.</div><div><br></div><div>Fíggjareftirlitið kunngjørdi í gjár nýggju krøvini, sum hava verið til hoyringar.</div><div><br></div><div>Eitt krav er, at í stórum fíggjarstovnum skal minst ein nevndarlimur hava leiðararoyndir frá einum øðrum viðkomandi fíggjarstovni. Tað kunnu vera royndir frá stjórastarvi, varastjórastarvi ella kredittstjórastarvi til dømis. </div><div><br></div><div>Fíggjareftirlitið bíðar eftir, at aðalfundirnir hjá fíggjarstovunum í 2013 hava verið, og fer tá at kanna, um allir stovnar halda nýggju krøvini um førleikar hjá nevndarlimunum. </div><div><br></div><div>Krøvini umfata peningastovnar, realkredittstovnar, tryggingarfeløg, lívstryggingarfeløg og eftirlønarveitarar.    </div>