Russisk ferðafólk tey ríkastu

Tølini vórðu løgd fram á eini ráðstevnu um íslendska ferðavinnu, sum var hildin í farna mánaði.

Miðal russiska ferðafólkið, sum vitjar í Íslandi, brúkar 250 prosent meira enn norðmenn, sum liggja á øðrum plássi á einum lista yvir, hvussu nógvar pengar ferðafólk leggja eftir seg í Íslandi.

Bara 7.000 russarar vitjaðu í Íslandi í fjør samanborið við 137.000 bretar. Og bretar kunnu breggja sær av at vera næst gírigastu ferðfólk.

Yvirlitið vísir eisini, at 120.000 amerikanarar vitjaðu Ísland í fjør, meðan talið av svium, sum vitja er minkað nakað.