Bjóða arbeiðið út í heyst

Stóra avbjóðingin í Saltsiloini á Drelnesi verður betongarbeiðið, sum skal varðveita bogarnar í siloini.

Í heyst er ætlanin at bjóða arbeiðið upp á Saltsiloina á Drelnesi út.

29.06.2012 - 16:56

<div><div>Gongst sum ætlað verður klárt  at bjóða út arbeiðið upp á Saltsiloina á Drelnesi í oktober.</div><div><br></div><div>Tað fyrsta, sum verður gjørt, er at stíva alt av og beina fyri øllum, sum ikki kann brúkast. Harði veturin hjálpti væl við tí, men enn er okkurt eftir, sigur Albert Isfeld, arkitektur. </div><div><br></div><div>Stóra avbjóðingin verður betongarbeiðið at varðveita betongbogarnar, sum eru teir, ið gera siloina sermerkta.      </div><div><br></div><div><b>Kostar 58 mió. kr.</b></div><div><br></div><div>Verkætlanin at gera Saltsiloina á Drelnesi til altjóða mentanarhús er mett at kosta 58 milliónir krónur. Saltsilogrunnurin hevur fingið 20 milliónir úr landskassanum, 20 milliónir úr Maersk-grunninum og 18 milliónir úr Statskassanum.</div><div><br></div><div>Landsverk hevur eftirlit við, at pengarnir ikki verða latnir i einum, men so hvørt sum arbeiðinum líður.</div><div><br></div><div>Landsverk skal boða Fíggjarmálaráðnum frá, nær pengar verða latnir, og fyri hvat. Upprunaliga var mett, at arbeiðið at umvæla Saltsiloina fer at taka tvey ár.</div></div><div><br></div>