- Tíðindi, mentan og ítróttur
Vandamikil giktaheilivágur eisini í Føroyum
<div>Ein tann mest seldi giktaheilivágurin í Danmark, Diclofenac, er so mikið vandamikil, at hann átti at verið tikin av hillunum. Heilivágurin elvir til hjartatrupulleikar og fólk doyggja av honum.</div><div><br></div><div>Tað sigur Gunnar Gislason, yvirlækni og seniorgranskari á sjúkrahúsinum í Gentofte. Saman við øðrum hevur hann granskað í hesum giktaheilivágnum í fleiri ár og hevur almannakunngjørt sínar niðurstøður í altjóða viðurkendum tíðarritum.</div><div><br></div><div>Evnið Diclofenac verður selt undir fleiri nøvnum, millum annað Diclodan, Diclon og Voltaren.</div><div><br></div><div><b>Hjartatrupulleikar og deyði</b></div><div><br></div><div>- Vit hava funnið fram til, at Diclofenac hevur við sær ein nógv øktan vanda fyri hjartatrupulleikum og deyða, sigur Gunnar Gislaon við danska kringvarpið. </div><div><br></div><div>Hann sigur, at vandi er bæði hjá hjartasjúklingum og hjá frískum fólkum.</div><div><br></div><div>- Eg skilji ikki líkasæluna hjá myndugleikunum - at teir ikki taka kanningarnar, sum eru á økinum, og taka eina avgerð eftir teimum, sigur granskarin.</div><div><br></div><div>DR hevur eisini tosað við aðrar serfrøðingar, sum siga, at júst hesin giktaheilivágurin er vandamikil.</div><div><br></div><div>Granskararnir siga, at Diclofenac minnir um heilivágin Vioxx, sum varð tikin av marknaðinum í 2004, eftir at amerikonsku heilsumyndugleikarnir ákærdu heilivágin fyri at hava kravt upp í 27.000 mannalív.</div><div><br></div><div>- Í okkara kanningum funnu vit fram til, at Diclofenac hevur næstan sama vandaprofil sum Vioxx, sigur Gunnar Gislason við Deadline hjá DR.</div><div>Umleið 150.000 danir taka heilivág, har Diclofenac er í.</div><div><br></div><div><b>Eisini í Føroyum</b></div><div><br></div><div>Eisini í Føroyum brúka vit hendan heilivágin. Her hava 1070 fólk fingið heilivágin higartil í ár, upplýsir Apoteksverkið. Tey flestu taka hann tó bara eitt tíðarskeið, og ikki hvønn dag.</div><div><br></div>
