Tvær føroyskar lógir í fólkatinginum í dag

Onnur er avlurtingarlógin, sum skal lætta um hjá løgregluni at kanna fólk, sum eru undir illgruna. Talan er um broyting í rættargangslógini fyri Føroyar.

Hin lógin er útlendingalógin, sum skal broytast, so tað verður høgligari hjá føroyskum byggifyritøkum at fáa handverkarar úr ES til Føroya at arbeiða.

Tá lógarbroytingin er komin í gildi, ber til at fáa faklærda arbeiðsmegi úr ES, so leingi arbeiðsloysið í Føroyum ikki fer upp um seks prosent. Í galdandi lóg er markið hálvt fjórða prosent.

Karen Hækkerup, løgmálaráðharri, eigur bæði uppskotini. Løgtingið hevur longu samtykt báðar lógarbroytingarnar.