Nógvur makrelur við norsku strondina

Teir smáu norsku nótabátarnir eru farnir at fiska makrel, og teir siga frá nógvum makreli fram við norsku strondini, skrivar Fiskaren.

Støddin á makrelinum er eisini góð, í dag sigur ein skipari frá at miðalstøddin er 495 gramm. Í gjár landaði ein annar bátur, og tá var miðalstøddin 421 gram.

Makrelurin stendur í vatnskorpuni, og stendur tættur, siga skipararnir.

- Líkt er til, at makrelur er framvið allari norsku strondini, sigur ein sølumaður í Norska Sildasølufelagnum við blaðið.