Johan Dahl: Havi einki ólógligt gjørt

Johan Dahl: Havi einki ólógligt gjørt
Landsstýrismaðurin sigur, at hvørki hann ella Vinnumálaráðið vistu, hvussu umfatandi fíggjarliga óskilið var á Strandferðsluni
 
24.06.2014 - 07:53

Johan Dahl, landsstýrismaður, heldur fast um, at hann hevur onki ólógligt gjørt í sambandi við játtanina hjá Strandferðsluni fyri 2013. Men hann viðgongur, at hann kundi havt betri eftirlit við Strandferðsluni.

Tað stendur í svarinum, sum Johan Dahl í gjár sendi Landsstýrismálanevndini hjá Løgtinginum. 

Landsstýrismálanevndin kannar, um Jhan Dahl hevur fyrisitið Strandferðsluna á lógligan hátt, tí í fjør vantaðu útvið fimm milliónir krónur í játtanini hjá Strandferðsluni. Stovnurin gjørdi fleiri ferðir landsstýrismannin varugan við, at játtanin í fjør fór ikki at halda. Kortini bað landsstýrismaðurin ikki um eykajáttan.

Óálítandi upplýsingar

Í svarinum til landsstýrismálanevndina sigur Johan Dahl, at upplýsingarnar hjá Strandferðsluni um fíggjarligu støðuna vóru óálítandi, og at hvørki landsstýrismaðurin ella Vinnumálaráðið vistu, hvussu umfatandi fíggjarliga óskilið á Strandferðsluni var.

Hann viðgongur tó, at okkurt kundi havt verið fyrisitið øðrvísi, men vísir aftur, at hann skal hava gjørt nakað ólógligt.

Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442

Annað frá KVF