Banknordik aftast í nøgdsemiskanning

Danskir bankakundar lata ikki væl at BankNordik í Danmark. Tað vísir danska bankagreiningin,  Bankanalysen 2014.

Í kanningini eru fleiri enn 5000 bankakundar spurdir, hvussu teir eru nøgdir við tann bankan, sum tey brúka mest.

Finanswatch.dk skrivar, at Banknordik í Danmark í miðal fær 5,8 stig í kanningini, og tað hevur við sær, at hann er á aftasta plássi. Tíggju stig er hægsti karakterurin.

Middelfarts Sparekasse er toppskorari í kappingini. Middelfarts Sparekasse fær 8,8 stig frá sínum kundum, skrivar Finansialwatch.dk