- Tíðindi, mentan og ítróttur
Gamlir eigarar keypa Cimber
![](https://kvf.fo/sites/default/files/styles/grein-ovasta-mynd/public/5d1d522e8130ef6234c308cb10e07476.png?itok=ain51CuL)
<p>Tríggir oddamenn í Cimber Sterling, sum fór á húsagang herfyri, hava keypt trotabúgvið, og hava stovnað felagið Cimber A/S. 114 arbeiðspláss eru bjargað, skrivar Ritzau.</p><div><br></div><div>Millum teirra, sum hava stovnað nýggja felagið, er Jørgen Nielsen, sonur Ingolf Nielsen, ið stovnaði upprunaliga Cimber Air. Jørgen Nielsen hevur í mong ár eisini verið stjóri í Cimber Sterling.</div><div><br></div><div>Nýggja felagið tekur táttin upp, har tað gamla slepti, og fer m.a. at flúgva fyri SAS.</div><div><br></div><div>Hin parturin av Cimber Sterling, sum fevnir um at halda flogførini viðlíka, er seldur til eitt felag, ið eitur Mansvel. Har verða millum 200 og 260 arbeiðspláss varðveitt.</div><div><br></div><div>Tá Cimber Sterling fór á húsagang, eydnaðist tað 50 starvsfólkum at fáa arbeiði í flogfelagnum Jettime, sum yvirtók tvey Boeing-flogfør hjá Cimber Sterling. </div>