Arbeiða longur

Tað veit Hagstovan at siga. 

Hagstovan skrivar, at síðani kreppuna fyrst í nítiárunum halda fleiri og fleiri fram at arbeiða eftir at tey eru vorðin 67 ára gomul, og sostatt eru fólkapensjónistar. 

Í apríl í ár vóru 967 løntakarar millum 67 og 74 ár. Hetta eru 300 fleiri enn fyri tíggju árum síðani. Talan er um ein vøkstur uppá heili 47 prosent.

Størsti parturin av hesum vøkstri er hjá tí almenna. Men eisini í privatu tænastuvinnuni arbeiða fleiri pensjónistar nú.

Í fiskivinnuni og alivinnuni arbeiða tó færri, sum eru fylt 67. 

Í hagtølunum eru fólk løntakarar, tá tey hava í minsta lagi eina dagsløn um mánaðin.