- Tíðindi, mentan og ítróttur
Væl útbúgvin fólk hugsa meir um javnstøðu
<div>Javnstøðunevndin ásannar, at brúk er fyri størri vitan um samanhangin millum útbúgving hjá fólki og teirra hugburð til javnstøðu.</div><div><br></div><div>Í sambandi við kanningina, sum Javnstøðunevndin lat gera herfyri, skrivar nevndin, at tá javnstøða verður viðgjørd í almenna rúminum, snúgva evnini seg í stóran mun um manglandi kvinnuliga umboðan í nevndum og ráðum og politikki. Onkuntíð verður í speisemi sagt, at javnstøða er fyri "fínar konur í Havn", soleiðis at skilja - at javnstøða er nakað, ið tekur støði í einari lítlari elitu av konufólkum í Havn og ikki í vanliga føroyinginum.</div><div><br></div><div>Og okkurt bendir á, at hendan myndin ikki er heilt av leið.</div><div><br></div><div>Kanningin vísir, at 60 prosent av teimum við longri útbúgving siga seg tosa um javnstøðu í mun til 40 prosent av teimum, við fólkaskúla- ella miðnámsúbúgving.</div><div><br></div><div>Eisini vísir kannningin, at tey við hægri útbúgvingum tosa munandi meir við makan og børnini um javnstøðu enn tey við fólkaskúla- ella miðnámsútbúgving.</div><div><br></div><div>Tað eru eisini serliga tey høgt útbúnu sum halda, at vantandi kvinnulig umboðan í politikki er ein av størstu javnstøðutrupulleikunum í Føroyum.</div><div><br></div><div>45 prosent av teimum við longri útbúgvingum halda hetta vera størsta javnstøðutrupulleikan, meðan ávikavist 35 og 27 prosent av teimum við miðamsskúla- ella handverkaraútbúgving halda tað vera ein stóran trupullleika at ov fáar kvinnur eru umboðaðar í politikki.</div><div><br></div><div>655 fólk svaraðu spurningunum í javnstøðukanningini, ið Karin Jóhanna L. Knudsen, samfelagsfrøðingur, gjørdi vegna Granskingardepilin fyri Samfelagsmenning á Fróðskaparsetri Føroya. Kanningin er umbiðin av Javnstøðunevndini.</div><div><br></div>
