Teldusníkar stolið 1,2 milliardir loyniorð

<p>Brúkaraupplýsingar um 1,2 milliardir teldubrúkarar eru endaðar í føvninginum hjá russiskum teldusníkum, ið hava stolið upplýsingar á 420.000 ymiskum heimasíðum.</p>

<p>Amerikanska KT-trygdarfyritøkan, <a href="http://www.holdsecurity.com/news/cybervor-breach/" target="_blank">Hold Security</a>, sigur, at talan er um størsta álopið, ið nakrantíð er framt á internetinum, sambært <a href="http://www.bbc.com/news/technology-28654613" target="_blank">BBC News Technology</a>.</p>

<p>- Teldusníkarnir forvinna nógvan pening við álopunum, og tað er ein vinna, ið er í stórum vøkstri, sigur stjórin í donsku trygdarfyritøkuni, CSIS, Peter Kruse, við <a href="http://ekstrabladet.dk/nyheder/samfund/article4953371.ece" target="_blank">eb.dk</a></p>

<p><strong>Loypa framvegis á heimasíður</strong></p>

<p>- Teldusníkarnir eru farnir eftir upplýsingum á øllum hugsandi heimasíðum, teir hava kunnað, sigur stjórin í Hold Security, Alex Holden, við <a href="http://www.nytimes.com/2014/08/06/technology/russian-gang-said-to-amass-... target="_blank">The New York Times</a>.</p>

<p>Hóast tað vanliga er góð forrætning hjá teldusníkum at selja upplýsingar um teldubrúkarar víðari, er hetta hesa ferð ikki eydnast í stóran&nbsp;mun higartil, skrivar tíðindastovan, Ritzau.</p>

<p>Stolnu upplýsingarnar um teldubrúkararnar eru brúkaranøvn og loyniorð til sosialu miðlarnar, Facebook og Twitter, og til teldupostskipaninar, Hotmail og Gmail.</p>