- Tíðindi, mentan og ítróttur
Japan fríggjar til Føroya
Japan fríggjar til Føroya
Vararáðharri fyrsta japanska stjórnarumboð í Føroyum. Hitti varaløgmann
![](https://kvf.fo/sites/default/files/styles/grein-ovasta-mynd/public/414dc90e1aef6af09aaf7b29f97f4e27.png?itok=VFHhMw_w)
Føroyar vilja hava fríhandilssáttmála við Japan. Men tað tekur tíð og krevur nógva arbeiðsorku, sigur Annika Olsen, varaløgmaður
11.08.2014 - 07:29
Japan vil hava størri samband og samstarv við Føroyar.
Og fyrsta stigið hjá stjórnini í Japan at fáa tað í lag varð tikið fríggjadagin, tá Tadahiko Ito, vararáðharri í innlendis- og samskiftismálum, var í Føroyum.
Hetta var fyrstu ferð, at japanska stjórnin sendir fólk til Føroya.
Tadahiko Ito hitti Anniku Olsen, varaløgmann, tá hann var í Føroyum.
Japan hevur áhuga í føroyskari vitan og føroyskum royndum og ikki bara í fiskivinnuni.
Sambært Løgmansskrivstovuni var Tadahiko Ito serliga hugtikin av føroyskum byggihátti og býarskipan og týdninginum hjá teimum fyri trivnaðin í samfelagnum.
Og Føroyar vilja hava fríhandilssáttmála við Japan, sigur Annika Olsen, varaløgmaður.
Nýggjastu sendingar í ÚV
Nýggjastu sendingar í SV