Blákrossheimið verður nú tikið í nýtslu

Nýggja Blákrossheimið á Nesi verður væntandi tikið í nýtslu tann 19. september.

Seinasta hond verður nú løgd á arbeiðið, skrivar Nes kommuna á heimasíðuni. 

Nýggja viðgerðarheimið er umleið 800 fermetrar. Har eru 14 kømur, umframt viðgerðarhøli, felagshøli, venjingarhøli, skrivstovuhøli, køkur og annað. 

Samlaði kostnaðurin er góðar 12 milliónir krónur, men nakað verður eisini spart í kostnaðinum, tí nógv sjálvboðið arbeiði hevur eisini verið.