Níggju heilsurøktarar á LS verða sagdir úr starvi

Níggju heilsurøktarar á LS verða sagdir úr starvi
Orsøkin er, at búfólk flyta av Psykiatriska deplinum í nýggju heimini eystan Heyg í Havn
 
22.08.2014 - 14:20

Níggju heilsurøktarar á Psykiatriska deplinum á Landssjúkrahúsinum hava fingið ætlanarskriv um uppsøgn.

Samstundis søkir Landssjúkrahúsið eftir fýra sjúkrarøktarfrøðingum til Psykiatriska depilin.

Heilsurøktararnir verða sagdir upp, tí flestu búfólkini á deplinum hava fingið annan bústað í heimunum eystan Heyg í Havn. 

Psykiatriski depilin hoyrir undir Heilsumálaráðið, og sambýlini eystan Heyg hoyra undir Almannamálaráðið. Tá talan er um nýggj størv á nýggju heimunum, skulu tey lýsast leyst, og tí kunnu starvsfólk á Psykiatriska deplinum ikki flytast yvir í nýggju heimini, men noyðast at søkja størvini, tá tey verða lýst leys. 

Heilsurøktarafelagið hevur biðið um fund við leiðsluna á Landssjúkrahúsinum um málið. Felagið krevur, at heilsurøktararnir varðveita síni størv.

 

Meiri verður at frætta í útvarpstíðindunum.

 

 

Er kopiera
Nýggjastu sendingar í ÚV
Nýggjastu sendingar í SV
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486