Eftirlitið við fiskiskipum skal herðast

Eftirlitið við fiskiskipum í føroyskum øki skal herðast. Hetta skal gerast fyri at málið um garnaskipið Anitu ikki skal endurtaka seg.

Tað sigur Kaj Leo Holm Johannesen, løgmaður, sum í gjár boðaði frá, at hann fer at taka fiski- og veiðiloyvini frá Anitu.

Reiðaríið hevur freist til 3. september at gera viðmerkingar til ætlanina hjá løgmanni at taka loyvini frá Anitu.