Søkja eftir læknum til nýggjan heilsudepil

Heilsutrygd lýsir nú eftir tveimum kommunulæknum til Heilsumiðstøðina í Runavík.

Tríggir kommunulæknar vera í nýggja Skálafjarðar læknadømi. Tvey størv verða sett 1.januar næsta ár.   
5.800 fólk eru í læknadøminum. 

Frá ársbyrjan 2015 verða heilsutænasturnar miðsavnaðar í Heilsumiðstøðini í Runavík. Tó verður viðtala á Strondum tveir dagar um vikuna.

Avtala um heilsudepil 

12.mai í ár undirskrivaðu borgarstjórarnir í Runavíkar kommunu, Nes kommunu og Sjóvar kommunu og landsstýrismaðurin í heilsumálum samstarvsavtalu um at skipa kommunurnar í eitt heilsuøki við einum heilsudepli.

Karsten Hansen, landsstýrismaður, fegnast.
- Júst hetta at skipa Føroyar í stór og sterk heilsuøki við heilsudeplum er sjálvur bulurin í heilsunýskipanini, sigur Karsten Hansen.

Evsta mark at søkja kommunulæknastørvini í Skálafjarðar læknadømi er til 29.september.

Umsøkjarar skulu hava serlæknagóðkenning í almennum medisini.