Almenni innkeypsportalurin lítið brúktur

Hetta er eitt sera lágt tal, tá hugsað verður um mongu møguleikarnar, sum almennir myndugleikar, kommunur, almennir stovnar og almenn partafeløg hava at bjóða út innkeyp av vørum og tænastum í almennum útboði. 

Samanlagt hava bara 18 útboð verið avgreidd á almenna innkeypsportalinum, nú eitt ár er síðani, hann fór at virka.

Tað er vil siga bert 1,5 útboð um mánaðin, so ikki ber til at siga, at tað almenna ger nokk við at fremja kapping, staðfestir Vinnuvitan. 

Góð og sunn kapping

Blaðið vísir á, at tað annars eru nógvir fyrimunir við einum almennum útboði.

Talan er um gjøgnumskygni og ikki minst, at tað almenna skundar til sunna og góða kapping, har fleiri kunnu halda seg framat og bjóða. Eitt nú hava donsku regiónirnar júst boðað frá, at alt skal bjóðast út á danska keypsportalinum.

Regiónirnar vænta at spara 1 milliard við hesum átaki.